ଏକମାସ ପରେ ଗ୍ରାହକଙ୍କୁ ଆଶ୍ବସ୍ତି

ଗ୍ରାହକଙ୍କୁ ବଡ଼ ଆଶ୍ବସ୍ତି ।  ଦୀର୍ଘ ଏକମାସ କଲବଲ କରିବା ପରେ କମିଲା ପରିବା ଦର । ଗତ ଏକ ମାସ ଧରି ଖାଉଟିଙ୍କୁ କଲବଲ କରିଛି ପରିବା ଦର । ଯାହାକୁ ଛୁଇଁବ ୮୦ ପାର । ଯାହାକୁ ନେଇ ଚିନ୍ତାରେ ଥିଲେ ଖାଉଟି । ତେବେ ଏବେ ନୂଆ ପରିବା ଆସିବା ସହ ବାହାର ଆମଦାନି ପହଞ୍ଚିବା ପରେ ସ୍ଥିତିରେ ସୁଧାର ଆସିଛି । ଦରବୃଦ୍ଧି ଯୋଗୁଁ ବିକ୍ରି ବଟା ବି ଭଲ ହେଉ ନଥିଲା । ଲୋକେ ପରିବା ବଦଳରେ ଆମିଷ ଉପରେ ଅଧିକ ନିର୍ଭର କରୁଥିଲେ । ହେଲେ ଏବେ ନୂଆ ଅମଳ ଆସିବା ପରେ ଦରରେ ୫୦ ପ୍ରତିଶତ ହ୍ରାସ ପାଇଥିବା କହିଛନ୍ତି ବ୍ୟବସାୟୀ । ତେବେ ପୁରୁଣା ଦର ହିସାବରେ ବାଇଗଣ ଦର ୮୦ ଥିଲା ଏବେ ୪୦ ଟଙ୍କାରେ ମିଳୁଛି । ସେହିପରି ପୋଟଳ ୨୦ ରୁ ୩୦ ଟଙ୍କା, କାକୁଡି ୩୦ ରୁ ୪୦, କଖାରୁ ୧୫ ଟଙ୍କା, ଭେଣ୍ଡି ୨୦ରୁ ୨୫, ଅମୃତଭଣ୍ଡା ୧୫ ଟଙ୍କା, ଗାଜର ୩୦, କଞ୍ଚାଲଙ୍କା-୯୦, ବିନ୍ ୩୦ ଟଙ୍କାରେ ମିଳୁଛି । ତେବେ ଟମାଟୋ ଦର ୯୦ରୁ ୧୦୦ ଟଙ୍କା ରହିଛି । ଏବେ ମୂଲ୍ୟ ହ୍ରାସ ପାଇଥିବାବେଳେ ଆଉ କିଛି ଦିନ ପରେ ଅମଳ ବଢିଲେ ଦର ଆହୁରି କମିପାରେ ବୋଲି ଲୋକେ ଆଶାବ୍ୟକ୍ତ କରିଛନ୍ତି ।