ଉଦ୍ଧାର ହେଲା ଟାଇଟନ୍ ସବମାରିନ୍ ଅବଶେଷ

ଆମେରିକା କୋଷ୍ଟଗାର୍ଡର ଅଧିକାରୀମାନେ ଦୁର୍ଘଟଣାଗ୍ରସ୍ତ ଟାଇଟନ୍ ବୁଡାଜାହାଜର ଭଗ୍ନାବଶେଷ ସହ କିଛି ମାନବ ଅବେଶେଷ ସମୁଦ୍ର ଭିତରୁ ଉଦ୍ଧାର କରିଥିବା ସୂଚନା ମିଳିଛି । ଏହାକୁ ପରୀକ୍ଷା କରାଇବାକୁ ମେଡିକାଲ ଲ୍ୟାବକୁ ପଠାଯାଇଛି । ତେବେ ସବମାରିନର ଅବଶେଷ ଗୁଡିକୁ କାନାଡାର ସେଣ୍ଟ ବନ୍ଦରକୁ ନିଆଯାଇଛି । ସୂଚନା ଅନୁସାରେ, ଜୁନ୍ ୧୮ ତାରିଖରେ ଟାଇଟନ୍ ସବମାରିନରେ ୫ ଜଣ ମ୍ୟାରିନର ବସି ଦେଢ ଶହ ବର୍ଷ ପୂର୍ବରୁ ବୁଡିଯାଇଥିବା ଐତିହାସିକ ଟାଇଟାନିକ୍ ଜାହାଜକୁ ଦେଖିବାକୁ ଯାଇଥିବାବେଳେ ଏହି ସବମାରିନ ବିସ୍ଫୋରଣ ହୋଇଥିଲା । ଫଳରେ ଏଥିରେ ଥିବା ୫ଜଣ ବ୍ୟକ୍ତିଙ୍କର ମାତ୍ର କେଇ ସେକେଣ୍ଡରେ ମୃତ୍ୟୁ ହୋଇଥିଲା । ତେବେ ସେମାନଙ୍କୁ ଖୋଜିବାକୁ ଆମେରିକା କୋଷ୍ଟଗାର୍ଡ ପକ୍ଷରୁ ଜୋରଦାର ସର୍ଚ୍ଚ ଅପରେସନ୍ ଜାରି ରହିଥିଲା ।