ଗାଜାରେ ଜୋରଦାର ଚାଲିଛି ସଂଘର୍ଷ । ଇସ୍ରାଏଲ-ପାଲେଷ୍ଟାଇନ ଯୁଦ୍ଧକୁ ୪୧ ଦିନ ପୁରିଛି । ଆତଙ୍କବାଦୀଙ୍କୁ ଖୋଜି ଖୋଜି ଦମନ କରୁଛି ଇସ୍ରାଏଲ ସେନା । ଗାଜାର ଅଧିକାଂଶ ହସ୍ପିଟାଲ ଗୁଡିକୁ ଆତଙ୍କୀ ଠିକଣା କରିଥିବାରୁ ସମସ୍ତ ହସ୍ପିଟାଲକୁ ଖୋଜି ଖୋଜି ଆତଙ୍କବାଦୀଙ୍କୁ ନିପାତ କରୁଛି ଆଇଡିଏଫ୍ । ଗତକାଲି ପାଲେଷ୍ଟାଇନର ଜବାଲିଆ କ୍ୟାମ୍ପ ଉପରେ ହୋଇଥିବା ହମଲାରେ ୧୮ ଜଣଙ୍କ ମୃତ୍ୟୁ ଘଟିଛି। ଇନ୍ଧନ ଅଭାବରୁ ଗାଜାର ଅଧିକାଂଶ ହସ୍ପିଟାଲେ ବିଦ୍ୟୁତ ଓ ପାଣି ଆସୁନାହିଁ। ହସ୍ପିଟାଲକୁ ଚାରିଆଡୁ ଘେରି ରହିଛନ୍ତି ଇସ୍ରାଏଲ ସେନା। ଗାଜାର ଅଧାରୁ ଅଧିକ ହସ୍ପିଟାଲ ଏବେ ବନ୍ଦ ହୋଇଗଲାଣି। ତେବେ ଗାଜାର ବଡ଼ ଅଲ୍ ସିଫା ହସ୍ପିଟାଲରେ ଏବେବି ୭ ହଜାରରୁ ଅଧିକ ରୋଗୀ, ମେଡିକାଲ କର୍ମଚାରୀ, ଡାକ୍ତର ଏବଂ ସାଧାରଣ ଲୋକ ରହିଥିବା ନେଇ ସୂଚନା ଦେଇଛନ୍ତି ହସ୍ପିଟାଲ ନିର୍ଦ୍ଦଶକ । ହସ୍ପିଟାଲରେ ସମସ୍ତେ ଫସି ରହିଛନ୍ତି। ପାଣି ଓ ବିଦ୍ୟୁତ ନଥିବାରୁ ଦୁର୍ଦ୍ଦଶା ବଢି ଯାଇଛି। ଗାଜାରେ ଗତକାଲି ମୋବାଇଲ ସହ ଇଣ୍ଟରନେଟ ସେବା ପୁରା ବନ୍ଦ ହୋଇଯାଇଥିଲା। ଗାଜା-ଇସ୍ରାଏଲ ଯୁଦ୍ଧରେ ବର୍ତ୍ତମାନ ସୁଦ୍ଧା ୧୧ ହଜାର ୪୭୦ ଜଣଙ୍କ ମୃତ୍ୟୁ ହେଲାଣି । ସ୍ବାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡିଥିବାରୁ କିଛି ଦିନ ଧରି ଇସ୍ରାଏଲ-ଗାଜା ମୃତ୍ୟୁର ସଠିକ ରିପୋର୍ଟ ମିଳିପାରିନଥିବା ଜଣାପଡିଛି।
“The eyes believe themselves, the ears believe other people.”
More Stories
ରାତିରେ ହଇରାଣ କରୁଛି କି ଆପଣଙ୍କ ଶିଶୁ
ଖୋଲିଲା ବିପୁଳ ନିଯୁକ୍ତି ସୁଯୋଗ
ପେନସନ୍ ଭୋଗୀଙ୍କ ପାଇଁ ଆସିଲା ବଡ ଖବର