ଇନ୍ଦୋରରେ ମନ୍ଦିର କୂଅ ଛାତ ଭୁଷୁଡିବା ଘଟଣାରେ ମୃତ୍ୟୁ ସଂଖ୍ୟା ୩୫

ରାମନବମୀରେ ମଧ୍ୟପ୍ରଦେଶ ଇନ୍ଦୋର ଦୁର୍ଘଟଣା ମାମଲା । ଘଟଣାରେ ମୃତ୍ୟୁ ସଂଖ୍ୟା ୩୫ ଛୁଇଁଛି । ଆହୁରି କିଛି ଲୋକ ମାଟି ତଳେ ଚାପି ହୋଇ ରହିଥିବା ଅନୁମାନ କରାଯାଉଛି । ଊଦ୍ଧାରର କାର୍ଯ୍ୟ ଅଧିକ ତ୍ୱରାନିତ କରିବାକୁ ସେନାକୁ ମୁତୟନ କରାଯାଇଛି । ମନ୍ଦିରରେ ଥିବା ପବିତ୍ର ବେଲେଶ୍ୱର ଶିବ ମନ୍ଦିରରେ ଥିବା କୂଅ ଧସି ଯାଇଥିଲା । ୩୦ରୁ ଅଧିକ ଶ୍ରଦ୍ଧାଳୁ ଆହତ ହୋଇଥିବା ସୂଚନା ରହିଛି । ମଧ୍ୟାହ୍ନରେ ଶ୍ରଦ୍ଧାଳୁଙ୍କ ପ୍ରବଳ ଗହଳି ଲାଗି ରହିଥିବା ସମୟରେ ହଠାତ ମନ୍ଦିର ପରିସରରେ ଥିବା କୂଅ ଧସିଯାଇଥିଲା ଓ ଏଥିରେ କିଛି ଶ୍ରଦ୍ଧାଳୁ ଖସିପଡିଥିଲେ । ଘଟଣାସ୍ଥଳରେ ତୁରନ୍ତ ରେସ୍କ୍ୟୁ ଟିମ ପହଁଚି ଉଦ୍ଧାର ଜାରି ରଖିଛି । ସୂଚନା ଅନୁସାରେ ମନ୍ଦିରରେ ଥିବା କୂଅ ଉପରେ ମାତ୍ରାଧିକ ଶ୍ରଦ୍ଧାଳୁ ଛିଡା ହୋଇ ଶ୍ରୀରାମଙ୍କ ଦର୍ଶନ କରୁଥିବା ସମୟରେ ଏହା ଧସିପଡିଥିଲା । ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।