ଆନ୍ଧ୍ରପ୍ରଦେଶ ବିଧାନସଭା ନିର୍ବାଚନ ପାଇଁ ବିଗୁଲ ବାଜିଛି। ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡ଼ୁ ସୋମବାର ଦିନ ରାଜ୍ୟରେ ମହିଳାଙ୍କ ସମେତ ବିଭିନ୍ନ ଶ୍ରେଣୀ ପାଇଁ ବିଭିନ୍ନ ପ୍ରକାର କଲ୍ୟାଣକାରୀ ଯୋଜନା ଘୋଷଣା କରିଛନ୍ତି। ଟିଡିପିର ଏକ କାର୍ଯ୍ୟକ୍ରମରେ ଉଦ୍ବୋଧନ ଦେଇ ନାଇଡ଼ୁ ପ୍ରତିଶ୍ରୁତି ଦେଇଛନ୍ତି ଯେ ରାଜ୍ୟରେ ୧୮ ବର୍ଷରୁ ଊର୍ଦ୍ଧ୍ବ ପ୍ରତି ମହିଳାଙ୍କୁ ୧୫୦୦ ଟଙ୍କା ଦିଆଯିବ। ତଲ୍ଲିକି ବନ୍ଦନମ ଯୋଜନା ଅଧୀନରେ ରାଜ୍ୟରେ ପ୍ରତି ମା’ଙ୍କୁ ବାର୍ଷିକ ୧୫ ହଜାର ଟଙ୍କା ମିଳିବ। ଦୀପମ ଯୋଜନା ଅଧୀନରେ ପ୍ରତି ପରିବାରକୁ ୩ଟି ସିଲିଣ୍ଡର ମିଳିବ। ରାଜ୍ୟରେ ବିଭିନ୍ନ ସରକାରୀ ବିଭାଗରେ ୨୦ ଲକ୍ଷ ପଦବି ପୂରଣ କରାଯିବ। ଯୁବକମାନଙ୍କୁ ଚାକିରି ନମିଳିବା ପର୍ଯ୍ୟନ୍ତ ସେମାନଙ୍କୁ ମାସିକ ୩ ହଜାର ଟଙ୍କା ଭତ୍ତା ମିଳିବ। ନାଇଡୁ କହିଛନ୍ତି, କରୋନା ମହାମାରୀ ସମୟରେ କୃଷକମାନେ ଅନେକ ସଂଘର୍ଷ କରିଛନ୍ତି। ଟିଡିପି ସରକାର ପ୍ରତି ବର୍ଷ ପ୍ରତି କୃଷକଙ୍କୁ କୃଷିଜାତ ଖର୍ଚ୍ଚ ପାଇଁ ୨୦ ହଜାର ଟଙ୍କା ଦେବ। ସେହିପରି ଆନ୍ଧ୍ରପ୍ରଦେଶରେ ପ୍ରତି ଘରେ ସ୍ବଚ୍ଛ ପାନୀୟ ଜଳ ପହଞ୍ଚିବ ବୋଲି ନାଇଡୁ ପ୍ରତିଶ୍ରୁତି ଦେଇଛନ୍ତି।
“The eyes believe themselves, the ears believe other people.”
More Stories
କଳାହାଣ୍ଡି ଗସ୍ତରେ ମୁଖ୍ୟମନ୍ତ୍ରୀ, ଲାଗିଛି ବ୍ୟାପକ ପ୍ରସ୍ତୁତି
କଥା ରଖିଲେ ମୋହନ, ଶ୍ରୀମନ୍ଦିରକୁ 500 କୋଟିର କର୍ପସ ପାଣ୍ଠି ମଞ୍ଜୁର
ସବୁଠୁ ବଡ ସମସ୍ୟା ମହିଳାଙ୍କ ସୁରକ୍ଷା- ସୁପ୍ରିୟା ଶ୍ରୀନେତ