ଆନ୍ଧ୍ରପ୍ରଦେଶ ଖଳ ପ୍ରକୃତିର: କୋରାପୁଟ ଜିଲ୍ଲାପାଳ

ଓଡିଶାର କୋଟିଆ ଗ୍ରାମପୁଞ୍ଜର ଘର କାନ୍ଥଗୁଡିକରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀଙ୍କ ଲୋଗ । ଏନେଇ ପ୍ରତିକ୍ରିୟା ରଖିଛନ୍ତି କୋରାପୁଟ ଜିଲ୍ଲାପାଳ । ସେ କହିଛନ୍ତି ଆନ୍ଧ୍ରପ୍ରଦେଶ ଖଳ ପ୍ରକୃତିର । କୋଟିଆରେ ରାଜ୍ୟ ସରକାର ବିଜୁ ପକ୍କା ଘର ନିର୍ମାଣ କରିଛନ୍ତି । ଆଉ ସେହି ଆବାସ ଘର କାନ୍ଥରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ଲୋଗୋ ଥିବା ଷ୍ଟିକର ମାରିଲେ ସେହି ଘର ଓ ଗ୍ରାମ ଆନ୍ଧ୍ରପ୍ରଦେଶର ହୋଇଯିବ ନାହିଁ । ତେଣୁ ଏହାକୁ ଗୁରୁତ୍ୱ ନଦେବା ବୁଦ୍ଧିମାନର କାମ ହେବ ବୋଲି ଜିଲ୍ଲାପାଳ ଅବଦଲ ମହମ୍ମଦ ଅଖତର କହିଛନ୍ତି । ସୂଚନା ଅନୁସାରେ ଦୁଇ ଦିନ ତଳେ ଆନ୍ଧ୍ରପ୍ରଦେଶର ସ୍ୱାସ୍ଥ୍ୟ ବିଭାଗର ଦୁଇଟି ଟିମ୍ କୋଟିଆ ଗ୍ରାମପୁଞ୍ଜର ତଳସେମ୍ବି ଓ ଉପରସେମ୍ବି ଗାଁରେ ପହଞ୍ଚି ଘର ଘର ବୁଲି ସର୍ଭେ କରିଥିଲେ । ଏଥିସହ ଓଡିଶା ସରକାରଙ୍କ ପକ୍ଷରୁ ଦିଆଯାଇଥିବା ଆବାସ ଗୃହର କାନ୍ଥରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ଲୋଗୋ ଥିବା ଷ୍ଟିକର ଲଗାଇଥିଲେ । ଲୋଗୋ ଲଗାଇଥିବା ଘରକୁ ଆନ୍ଧ୍ରପ୍ରଦେଶ ପକ୍ଷରୁ ସ୍ୱାସ୍ଥ୍ୟ ସେବା ଯୋଗାଇଦେବାକୁ ପଞ୍ଜିକରଣ କରି ନମ୍ବର ପକାଇ ଫେରିଥିବା ଜଣାପଡିଛି । ଯାହକୁ ନେଇ ବିଭିନ୍ନ ମହଲରେ ଉଦବେଗ ପ୍ରକାଶ ପାଇଛି ।