ଆତଙ୍କବାଦୀଙ୍କ ଗୁଳିରେ ଗଲା ପାକିସ୍ତାନ ସେନାଧିକାରୀଙ୍କ ଜୀବନ..

ପାକିସ୍ତାନରେ ସେନାଧିକାରୀଙ୍କୁ ହତ୍ୟା କଲେ ଆତଙ୍କବାଦୀ । ପରିବାର ସହ ବୁଲିବାକୁ ବାହାରିଥିବା ସେନାଧିକାରୀ କର୍ଣ୍ଣଲ ଲାଇକ୍ ବେଗ୍ ମିର୍ଜା ଇଦ୍ ଛୁଟିରେ ପରିବାର ସହ କରାଚିରୁ ଜିୟାରତ୍ ବୁଲିବାକୁ ଯାଉଥିବାବେଳେ ତାଙ୍କୁ ଅପହରଣ କରିନେଇ ହତ୍ୟା କରିଛନ୍ତି ଆତଙ୍କବାଦୀ । କର୍ଣ୍ଣଲ ପରିବାରକୁ ନେଇ ବେଲୁଚିସ୍ତାନର ରାଜଧାନୀ କ୍ୱେଟା ଠାରୁ ପାଖାପାଖି ୧୦୦ କିଲୋମିଟର ଜିୟାରତ୍ ଆଡକୁ ଯାତ୍ର କରୁଥିଲେ । ଏହାପରେ ଆତଙ୍କବାଦୀମାନେ ତାଙ୍କୁ ସେଠାରୁ ଅପହରଣ କରିନେଇଥିଲେ । ତାଙ୍କ ପରିବାର ଲୋକଙ୍କୁ କୌଣସି କ୍ଷତି ପହଞ୍ଚାଇ ନଥିବାବେଳେ କର୍ଣ୍ଣଲଙ୍କୁ ଅପହରଣ କରିନେଇଥିଲେ । ତେବେ ସେମାନେ କର୍ଣ୍ଣଲଙ୍କୁ ଗୁଳିକରି ହତ୍ୟା କରିଥିବା ଜଣାପଡିଛି ।