ଆଜି ସରୁଛି ସଞ୍ଜୟ ସିଂଙ୍କ ଇଡି ହେପାଜତ ଅବଧି

ଦିଲ୍ଲୀ ମଦ ନୀତି ମାମଲାରେ ଆଜି ସରୁଛି ରାଜ୍ୟସଭା ସାଂସଦ ସଞ୍ଜୟ ସିଂଙ୍କ ଇଡି ହେପାଜତ ଅବଧି । ଗତ ମଦ ନୀତି ମାମଲାରେ ସଞ୍ଜୟଙ୍କୁ ଗତ ୪ ତାରିଖରେ ଗିରଫ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଗିରଫ ପରେ ସଞ୍ଜୟଙ୍କୁ ଅକ୍ଟୋବର ୧୦ ଯାଏ ଇଡି ହେପାଜତକୁ ନେବା ଲାଗି ଅନୁମତି ଦେଇଥିଲେ ଦିଲ୍ଲୀ କୋର୍ଟ । ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ପରେ ସଞ୍ଜୟ ସିଂଙ୍କୁ ଗିରଫ କରିଥିଲା ଇଡି । ଆମ୍ ଆଦମୀ ପାର୍ଟିର ବରିଷ୍ଠ ନେତା ତଥା ରାଜ୍ୟସଭା ସାଂସଦ ସଞ୍ଜୟ ସିଂଙ୍କ ଘରେ ପ୍ରବର୍ତ୍ତନ ନିର୍ଦ୍ଦେଶାଳୟର କରିଥିଲା ରେଡ । ଦିଲ୍ଲୀ ମଦ ଦୁର୍ନୀତି ମାମଲାରେ ସଞ୍ଜୟଙ୍କ ଘରେ ରେଡ କରିଥିଲା ଇଡି । ବହୁଚର୍ଚ୍ଚିତ ଦିଲ୍ଲୀ ମଦ ଦୁର୍ନୀତି ମାମଲାରେ ଦାଖଲ ହୋଇଥିବା ଚାର୍ଜସିଟରେ ସଞ୍ଜୟଙ୍କ ନାମ ସ୍ଥାନୀତ ଥିଲା ।