ଆଜି ମୁହାଁମୁହିଁ ହେବେ ପାକିସ୍ତାନ-ବାଂଲାଦେଶ

ଆଜି ବିଶ୍ବକପରେ ମୁହାଁମୁହିଁ ହେବେ ପାକିସ୍ତାନ ଓ ବାଂଲାଦେଶ । ଦିନ ୨ଟାରୁ କୋଲକାତାର ଇଡେନ ଗାର୍ଡେନ ଗ୍ରାଉଣ୍ଡରେ ମ୍ୟାଚ୍ ଆରମ୍ଭ ହେବ । ୬ଟି ମ୍ୟାଚରୁ ମାତ୍ର ୨ଟି ବିଜୟ ଲାଭ କରି ପଏଣ୍ଟ ଟେବୁଲର ସପ୍ତମ ସ୍ଥାନରେ ରହିଛି ପାକିସ୍ତାନ । ସେହିପରି ୬ଟିରୁ ମାତ୍ର ଗୋଟିଏ ମ୍ୟାଚ୍ ଜିତିଛି ବାଂଲାଦେଶ  । ବିଜୟ ପାଇଁ ଉଭୟ ଦଳ ସ୍ବତନ୍ତ୍ର ରଣନୀତି କରିଛନ୍ତି । ଭଲ ପ୍ରଦର୍ଶନ କରି ପରାଜୟ ଧାରା ଭାଙ୍ଗିବାକୁ ପାକିସ୍ତାନ ଲକ୍ଷ୍ୟ ରଖିଥିବା ବେଳେ କଡ଼ା ଜବାବ ଦେବାକୁ ପ୍ରସ୍ତୁତ ଅଛି ବାଂଲାଦେଶ । ସେପଟେ ଗତକାଲି ମ୍ୟାଚରେ ଶ୍ରୀଲଙ୍କାକୁ ପରାଜିତ କରିଥିଲା ଆଫଗାନିସ୍ତାନ । ୨୪୨ ରନର ବିଜୟ ଲକ୍ଷ୍ୟକୁ ୪୫ ଓଭର ୨ଟି ବଲରେ ହାସଲ କରି ଶ୍ରୀଲଙ୍କାକୁ ୭ଓ୍ବିକେଟରେ ପରାସ୍ତ କରିଥିଲା ଆଫଗାନିସ୍ତାନ । ନିଜର ତୃତୀୟ ବିଜୟ ସହ ପେଣ୍ଟ ଟେବୁଲର ପଞ୍ଚମ ସ୍ଥାନକୁ ଉଠିଛି ଆଫଗାନିସ୍ତାନ ।