ଆଗାମୀ ତିନି ଦିନ ରାଜ୍ୟରେ ଘନ କୁହୁଡି

ରାଜ୍ୟକୁ ହନ୍ତସନ୍ତ କରୁଛି କୁହୁଡି । ବାୟୁ ମଣ୍ଡଳରେ ଆଦ୍ରତା ବୃଦ୍ଧି ଯୋଗୁ ଆଗାମୀ ତିନି ଦିନ ରାଜ୍ୟରେ ଘନ କୁହୁଡିର ସମ୍ଭାବନା ରହିଛି । ଉପକୂଳଠୁ ଉପାନ୍ତ ସବୁଠି ଘନ କୁହୁଡି ଦେଖିବାକୁ ମିଳିଛି । ୨୦୦ରୁ ୫୦୦ ମିଟର ଦୂରତାରେ ଥିବା ବସ୍ତୁକୁ ଦେଖବା ସମ୍ଭବ ହେବ ନାହିଁ । ଯାହାକି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି । ଏଥିପାଇଁ କୁହୁଡି ହେବାକୁ ଥିବା ଜିଲ୍ଲାଗୁଡିକ ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏନେଇ ସବୁ ଜିଲ୍ଲାପାଳ ଏବଂ ଏସପିମାନଙ୍କୁ ଏସଆରସି ସତର୍କ କରିବା ସହ କୁକୁଡି ସମୟରେ ଯେପରି କୌଣସି ଦୁର୍ଘଟଣା ନଘଟେ ସେନେଇ ଦୃଷ୍ଟି ଦେବାକୁ କୁହାଯାଇଛି ।