ଆକ୍ସେଞ୍ଚର କରିବ ଛଟେଇ

ବିଶ୍ବର ପ୍ରମୁଖ ଟେକନଲୋଜୀ କମ୍ପାନିରେ ଛଟେଇ ଜାରି ରହିଛି । ପୂର୍ବରୁ ମେଟା, ମାଇକ୍ରୋସଫ୍ଟ, ଆମାଜନ, ଟୁଇଟର, ଗୁଗୁଲ ଆଦି କମ୍ପାନି ଛଟେଇ କରିବା ପରେ ଏବେ ଆଇଟି କମ୍ପାନି ଆକସେଞ୍ଚର ମଧ୍ୟ ହଜାର ହଜାର କର୍ମଚାରୀଙ୍କୁ ଛଟେଇ କରିବା ସମ୍ପର୍କରେ ଘୋଷଣା କରିଛି । ଆକ୍ସେଞ୍ଚର କହିଛି ଯେ ଏହା ପ୍ରାୟ ୧୯,୦୦୦ କର୍ମଚାରୀଙ୍କୁ ଛଟେଇ  କରିବ । ଏହାର ବାର୍ଷିକ ରାଜସ୍ୱ ଏବଂ ଲାଭ ଆକଳନ ହ୍ରାସ ଆଶଙ୍କା ମଧ୍ୟରେ କମ୍ପାନି ଏହି ନିଷ୍ପତ୍ତି ନେଇଛି । ଏହା ଏକ ନୂତନ ସଙ୍କେତ ଯାହା ବୁଝାଏ ଯେ ବିଶ୍ୱର ଖରାପ ଅର୍ଥନୈତିକ ସ୍ଥିତି ଯୋଗୁଁ ଆଇଟି ସେବା ଉପରେ କର୍ପୋରେଟ୍ ଖର୍ଚ୍ଚ ହ୍ରାସ ପାଉଛି ।