ଅବିଶ୍ରାନ୍ତ ବର୍ଷାରେ ବେହାଲ ରାଜଧାନୀ

ଅବିଶ୍ରାନ୍ତ ବର୍ଷାରେ ବେହାଲ ରାଜଧାନୀ ଭୁବନେଶ୍ବର । ଘଡଘଡି ବିଜୁଳି ସହ ବର୍ଷାରେ ଅସ୍ତବ୍ୟସ୍ତ ରାଜଧାନୀବାସୀ । ବର୍ଷା ଯୋଗୁ ଦୃଶ୍ୟମାନ କ୍ଷମତା କମିବା ଯୋଗୁ ଗାଡି ଚଳାଚଳ ବାଧାପ୍ରାପ୍ତ ହୋଇଛି । ଅଧିକାଂଶ ଅଞ୍ଚଳରେ ବିଦ୍ୟୁତ ସେବା ବ୍ୟାହତ ହୋଇଛି । ଜଳବନ୍ଦୀ ହୋଇଛି ବିଭିନ୍ନ ଅଞ୍ଚଳ । ରସୁଲଗଡଠୁ ଆରମ୍ଭ କରି ଜୟଦେବବିହାରର କିଛି ଅଞ୍ଚଳ, ନୟାପଲ୍ଲୀ ଇସ୍କନ ଅଞ୍ଚଳ ଜଳବନ୍ଦୀ ହୋଇଛି । ଇସ୍କନ ସମ୍ମୁଖରେ ପ୍ରାୟ ୩ ଫୁଟର ପାଣି ଜମିଥିବାବେଳେ ରାଜଧାନୀରେ ଘଡ଼ଘଡ଼ି ସହ ଭୀଷଣ ବର୍ଷା ଜାରି ରହିଛି । ତେବେ ଆସନ୍ତା ୩ ଘଣ୍ଟା ପର୍ଯ୍ୟନ୍ତ ବର୍ଷା ନେଇ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆକସ୍ମିକ ବର୍ଷାରେ କୃତ୍ରିମ ବନ୍ୟା ସୃଷ୍ଟି ହୋଇପାରେ ବୋଲି ଆକଳନ କରାଯାଇଛି । ସେପଟେ ଘଡ଼ଘଡ଼ି ବିଜୁଳି ସମୟରେ ଘରୁ ନବାହାରିବା ପାଇଁ ପରାମର୍ଶ ଦେଇଛି ପାଣିପାଗ କେନ୍ଦ୍ର ।