‘ଅବତାର-2’ର ରେକର୍ଡ

୨୦୦୯ରେ ରିଲିଜ ହୋଇଥିବା ଜେମ୍ସ କ୍ୟାମେରନଙ୍କ ଫିଲ୍ମ ‘ଅବତାର’ ଚମତ୍କାର ଭିଜୁଆଲ୍ ସହିତ ଭାରତୀୟ ଦର୍ଶକଙ୍କୁ ଆଶ୍ଚର୍ଯ୍ୟ କରିଥିଲା । ଏହାର ସିକ୍ୱେଲକୁ ବର୍ଷ ବର୍ଷ ଧରି ଦର୍ଶକ ଅପେକ୍ଷା କରିଥିବା ବେଳେ ଡିସେମ୍ବର ୧୬ରେ ଅବତାର ୨’ ରିଲିଜ ହୋଇଥିଲା । ରିଲିଜ ପରେ ଫିଲ୍ମଟି ଭଲ ବ୍ୟବସାୟ କରିବା ଆରମ୍ଭ କରିଥିବା ସହ ଏବେ କେବଳ ଭାରତରେ ହିଁ ଫିଲ୍ମଟି ୨୦୦କୋଟି ଆୟ କରିସାରିଥିବା ଜଣାପଡ଼ିଛି । ରିଲିଜର ୮ ଦିନ ମଧ୍ୟରେ ହିଁ ଫିଲ୍ମ ୨୦୦କୋଟି ଆୟ କରିଥିବା ବେଳେ ‘ଅବତାର ୨’ ଅନେକ ବଡ଼ ବଡ଼ ଫିଲ୍ମର ରେକର୍ଡ ଭାଙ୍ଗିବ ବୋଲି କୁହାଯାଉଛି । ‘ଅବତାର ୨’ ବର୍ତ୍ତମାନ ଭାରତର ଚତୁର୍ଥ ସର୍ବାଧିକ ଆୟ କରିଥିବା ହଲିଉଡ ଚଳଚ୍ଚିତ୍ର ହୋଇପାରିଛି । ଫିଲ୍ମଟି ୨୦୧୬ରେ ‘ଦ ଜଙ୍ଗଲ ବୁକ୍’କର ଆୟକୁ ଅତିକ୍ରମ କରିଛି ।