ଅଫିସ୍‌ରେ ଶୋଇବା ବାଧ୍ୟତାମୂଳକ

ଆଜିକାଲି ବିଭିନ୍ନ କମ୍ପାନି ଭିନ୍ନଭିନ୍ନ ଉପାୟରେ କର୍ମଚାରୀଙ୍କୁ ସୁବିଧା ପ୍ରଦାନ କରୁଛନ୍ତି । ଅନେକ ସମୟରେ ଏଭଳି ଆଇଡିଆ ସୋସିଆଲ ମିଡିଆରେ ଭାଇରାଲ ମଧ୍ୟ ହେଉଛି । ସେହିଭଳି ବେଙ୍ଗାଲୁରୁର ଏକ କମ୍ପାନି ନିଜ କର୍ମଚାରୀଙ୍କୁ ଦେଇଛି ସ୍ୱତନ୍ତ୍ର ସୁବିଧା । ଏହି ସୁବିଧା ଅନୁସାରେ କର୍ମଚାରୀମାନେ କାମ ସମୟରେ ୩୦ମିନିଟ୍‌ ବିଶ୍ରାମ ନେଇପାରିବେ । ସୋସିଆଲ ମିଡିଆରେ ଘଟଣାଟି ବେଶ୍‌ ଭାଇରାଲ ହେବାରେ ଲାଗିଛି । ଏ ନୁଆନିୟମ ନେଇ କମ୍ପାନି ପକ୍ଷରୁ ମେଲ ଜରିଆରେ ସମସ୍ତ କର୍ମଚାରୀଙ୍କୁ ଜଣା ଯାଇଛି । ଏହି ବିଶ୍ରାମ ପାଇଁ ୨ଟାରୁ ୨.୩୦ ପର୍ଯ୍ୟନ୍ତ ସମୟ ଧାର୍ଯ୍ୟ କରାଯାଇଛି  । ବିଶ୍ରାମ ସମୟରେ କୌଣସି କର୍ମଚାରୀ ଚାହିଁଲେ ମଧ୍ୟ କାମ କରିପାରିବେ ନାହିଁ, କାରଣ କମ୍ପାନି ପକ୍ଷରୁ କାମକୁ ଏ ସମୟରେ ବନ୍ଦ କରିଦିଆଯିବ । କମ୍ପାନି ପକ୍ଷରୁ ଏ ସମ୍ପର୍କରେ ଏକ ସର୍ଭେ କରାଯାଇଛି, ଯେଉଁଥିରୁ ଜଣା ପଡିଥିଲା କି ଖରାବେଳେ ବିଶ୍ରାମନେବା ଶରୀର ପାଇଁ ବିଭିନ୍ନ ଉପାୟରେ ଲାଭପ୍ରଦ । ତେଣୁ କମ୍ପାନୀ ପକ୍ଷରୁ ଏଭଳି ପଦକ୍ଷେପ ନିଆଯାଇଛି ।