ଅଧିକ ଚିକିତ୍ସା ପାଇଁ ଲଣ୍ଡନ ଯାଇପାରନ୍ତି ପନ୍ତ

ଦିଲ୍ଲୀ ପରେ ମୁମ୍ବାଇ ଏୟାରଲିଫ୍ଟ ହୋଇଛନ୍ତି କ୍ରିକେଟର ଋଷଭ ପନ୍ତ ।   ଦୁର୍ଘଟଣା ଏତେ ଭୟଙ୍କର ଥିଲା ଯେ ଡାହାଣ ଆଣ୍ଠୁର  ଲିଗାମେଣ୍ଟ ବି ଛିଣ୍ଡିଯାଇଛି  । ଆବଶ୍ୟକସ୍ଥଳେ ପନ୍ତଙ୍କୁ ଲଣ୍ଡନ ବି ପଠାଇପାରେ ବିସିସିଆଇ  । କାର ଦୁର୍ଘଟଣାରେ ଗୁରୁତର ପନ୍ତଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସିଛି ସତ  । କିନ୍ତୁ ଏବେବି ଶରୀରରେ ଯନ୍ତ୍ରଣା ରହିଛି  । ଯେଉଁଥିପାଇଁ ସେ ପେନ୍‌ ମ୍ୟାନେଜମେଣ୍ଟ ଥେରାପୀ ନେଉଛନ୍ତି । ଗୁରୁତର ପନ୍ତଙ୍କୁ ପ୍ରଥମେ ଡେରାଡୁନର ମ୍ୟାକ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପରେ ତାଙ୍କୁ ଦିଲ୍ଲୀ ସ୍ତାନାନ୍ତରଣ କରାଯାଇଥିଲା  । କିନ୍ତୁ ଲିଗାମେଣ୍ଟ ଅସ୍ତ୍ରୋପଚାର ପାଇଁ ପୁଣିଥରେ ପନ୍ତଙ୍କୁ ମୁମ୍ବାଇ ଏୟାରଲିଫ୍ଟ କରାଯାଇଛି  ।