ଅଜବ ପ୍ରେମ

ଜଣେ ମହିଳା ବିମାନ କର୍ମଚାରୀ ବିମାନ ପ୍ରେମର ବିରଳ ଉଦାହରଣ ଦେଇଛନ୍ତି । ବିମାନ ପାଇଁ ଥିବା ଦୁର୍ବଳତାକୁ ସେ ପ୍ରେମରେ ପରିଣତ କରିଛନ୍ତି । ଏକ ଖେଳନା ବିମାନକୁ ସେ ଭଲପାଉଥିବା ଘୋଷଣା କରିଛନ୍ତି । ଯୁବତୀ ଜଣଙ୍କ ଏହି ଖେଳନା ସହିତ ଅନେକ ସମୟ ବିତାଉଥିବା ବେଳେ ଏହାକୁ ପ୍ରତିଦିନ ଗୁଡ୍‌ମର୍ଣ୍ଣିଂ ଓ ଗୁଡ୍‌ନାଇଟ୍‌ ମଧ୍ୟ କହିଥାଆନ୍ତି । ହଙ୍ଗେରୀର ଏହି ୨୮ ବର୍ଷୀୟ ଯୁବତୀ ଜଣଙ୍କ ଜାନୁଆରୀ ମାସରୁ ଏହି ଖେଳନା ବିମାନ ପ୍ରେମରେ ପଡିଥିବା ପ୍ରକାଶ କରିଛନ୍ତି । ଏହି ବିମାନଟିକୁ ସେ ଅନ୍‌ଲାଇନ୍‌ରେ ୬୦୦ ପାଉଣ୍ଡ ଦେଇ କିଣିଥିଲେ । ତେବେ ନିଜ ପ୍ରେମ ପଛର କାରଣ ସେ ଜାଣି ନାହାନ୍ତି ବୋଲି ମତ ଦେଇଛନ୍ତି । ବିମାନକୁ ସେ ନିଜର ଜୀବନ ସାଥୀ ଭାବେ ଗ୍ରହଣ କରିଛନ୍ତି । ମାତ୍ର ୩ବର୍ଷରୁ ତାଙ୍କର ବିମାନ ପ୍ରତି ଭଲପାଇବା ସୃଷ୍ଟି ହୋଇଥିଲା । ଏହି ଭଲପାଇବା ପାଇଁ ସେ ବିମାନ ଶିଳ୍ପରେ କାମ କରିଥିଲେ । ତେବେ ଗଲା ବର୍ଷ ସେ ତାଙ୍କର ଚାକିରି ହରାଇଥିଲେ, ଯାହା ପରେ ତାଙ୍କର ଏହି ଖେଳନା ବିମାନ ସହ ପ୍ରେମ ସମ୍ପର୍କ ଆରମ୍ଭ ହୋଇଥିଲା । ସେ ବିମାନଟିକୁ ସବୁଠାରୁ ଭଲ ଜୀବନ ସାଥୀ ବୋଲି ବର୍ଣ୍ଣନା କରିଛନ୍ତି ।