୪ ଦିନରେ ଦୁଇ ଗୁଣା ପନିପରିବା ମୂଲ୍ୟ

ହଠାତ୍ ପରିବା ଦର ଆକାଶ ଛୁଆଁ । ଅହେତୁକ ଦର ବୃଦ୍ଧି ଗ୍ରାହକଙ୍କ ଚିନ୍ତା ବଢାଇ ଦେଇଛି । ଅନ୍ୟପଟେ ଚଢା ଦର ଯୋଗୁଁ ଭଲ ବେପାର ହେଉନଥିବାରୁ ବ୍ୟବସାୟୀ ବି ଚିନ୍ତାରେ ଅଛନ୍ତି । ସେପଟେ କ୍ଷେତରୁ କମ ଦରରେ ବ୍ୟବସାୟୀ କିଣି ବଜାରରେ ଅଧିକ ଦରରେ ବିକ୍ରି କରୁଛନ୍ତି । ଏପରି କି କ୍ଷେତରେ ବଜାରକୁ ଆସିବା ଭିତରେ ପରିବାର ଦାମ ଦୁଇ ଗୁଣା ହୋଇଯାଉଛି । ଓଡିଶାରେ ମୌସୁମୀ ପ୍ରବେଶ ପରେ ପରେ ପରିବା ଦର ଅଚାନକ ଆକାଶ ଛୁଆଁ ହୋଇଯାଇଛି । ଏଭଳି ଦୃରବୃଦ୍ଧି କେବେ ଓଡିଶାରେ ହୋଇନଥିଲା । ବ୍ୟବସାୟୀ ସଂଘଙ୍କ କହିବା ଅନୁସାରେ ଓଡିଶାରେ ପରିବା ସଂକଟ ସୃଷ୍ଟି ହୋଇଛି । ଚାହିଦା ଅନୁସାରେ ଯୋଗାଣ କମୁଥିବାରୁ ଏଭଳି ପରିସ୍ଥିତି ସୃଷ୍ଟି ହୋଇଛି । ଓଡିଶାରୁ ଆଗ ଭଳି ପରିବା ବଜାରକୁ ଆସୁନାହିଁ । ପରିବା ପାଇଁ ବେଙ୍ଗାଲୁରୁ, ଆନ୍ଧ୍ର, କଲିକତା, ନାସିକ, ରାୟପୁର ଉପରେ ଓଡିଶା ନିର୍ଭରଶୀଳ । ଚାହିଦା ମେଣ୍ଟାଇବାକୁ ଅନ୍ୟ ରାଜ୍ୟ ଉପରେ ନିର୍ଭର କରୁଥିବାରୁ ଚାହିଦା ବଢୁଛି । ତେବେ ଆସନ୍ତା ଏକ ମାସ ଭିତରେ ପରିବା ଦର କମିବ ବୋଲି କଞ୍ଚା ପନିପରିବା ବ୍ୟବସାୟୀ ସଂଘ ଆଶା ରଖିଛନ୍ତି ।