୧୫ ତାରିଖ ଯାଏଁ ପ୍ରବଳ ଛେଚିବ !

ଉତ୍ତର ଓଡିଶା ଓ ସଂଲଗ୍ନ ଅଞ୍ଚଳରେ ଲଘୁଚାପ ସୃଷ୍ଟି । ଏହା ପ୍ରଭାବରେ ରାଜ୍ୟରେ ଜାରି ରହିଛି ବର୍ଷା । ତେବେ ଆସନ୍ତା ସପ୍ତାହରେ ଆଉ ଦୁଇ ଲଘୁଚାପ ସୃଷ୍ଟି ହେବ ବୋଲି ପାଣିପାଗ ବିଶେଷଜ୍ଞ ଆକଳନ କରିଛନ୍ତି । ଏନେଇ ୧୫ ତାରିଖ ଯାଏଁ ସାରା ରାଜ୍ୟରେ ବର୍ଷା ଜାରି ରହିବ । ୧୦ ଓ ୧୪ରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ୯ ତାରିଖ ଯାଏ ବିଭିନ୍ନ ସ୍ଥାନରେ ଏହିଭଳି ଭାବେ ବର୍ଷା ଜାରି ରହିବ । ୧୦ ତାରିଖ ଅର୍ଥାତ ବାହୁଡ଼ାରେ ବର୍ଷାର ପରିମାଣ ଓ ବିସ୍ତୃତିରେ ବୃଦ୍ଧି ଦେଖାଯିବ । ସାରାରାଜ୍ୟରେ ବର୍ଷା ହେବ, କିନ୍ତୁ ଉତ୍ତର ଓଡ଼ିଶାରେ ପ୍ରଭାବ କମ୍ ରହିବ । ୧୩ ତାରିଖରେ ଆଉ ଏକ ଲଘୁଚାପ ସୃଷ୍ଟି ହେବ । ଦକ୍ଷିଣ ଓଡ଼ିଶା କୋରାପୁଟ, ମାଲକାନଗିରି, ଗଜପତି, ରାୟଗଡ଼ା ଓ ଗଞ୍ଜାମରେ ଏହାର ପ୍ରଭାବ ଅଧିକ ରହିବ ।