ସ୍ପେଶାଲ ରିକ୍ରୁଟମେଣ୍ଟ ଡ୍ରାଇଭ ମାମଲାରେ ହାଇକୋର୍ଟଙ୍କ ପୂର୍ଣ୍ଣଛେଦ

ସ୍ବତନ୍ତ୍ର ନିଯୁକ୍ତି ଡ୍ରାଇଭ ପାଇଁ ଫି’ ଆଦାୟ କରି ସରକାର ଭୁଲିଗଲେ । ୨୦୧୪ରେ ରାଜ୍ୟ ସରକାରଙ୍କ ପକ୍ଷରୁ ଘୋଷଣା କରାଯାଇଥିବା ସ୍ବତନ୍ତ୍ର ନିଯୁକ୍ତି ଅଭିଯାନ ପାଇଁ ପ୍ରାର୍ଥୀଙ୍କ ନିକଟରୁ ଆଦାୟ କରାଯାଇଥିବା ଦରଖାସ୍ତ ଫି’ ଫେରସ୍ତ ପ୍ରସଂଗକୁ ନେଇ ଦାୟର ଆବେଦନର ଶୁଣାଣିରେ ହାଇକୋର୍ଟ ପୂର୍ଣ୍ଣଚ୍ଛେଦ ପକାଇଛନ୍ତି । ଏପରି ନିଯୁକ୍ତି ଅଭିଯାନର ୭ ବର୍ଷ ପରେ ଆବେଦନ ଫି ’ ଫେରାଇବାକୁ ପ୍ରାର୍ଥୀଙ୍କୁ ଠାବ କରିବା ରାଜ୍ୟ ସରକାରଙ୍କ ପକ୍ଷେ ସମ୍ଭବ ନୁହେଁ । ଏହି ପ୍ରସଂଗରେ କୌଣସି ନିର୍ଦ୍ଦେଶ ଦେବାକୁ ହାଇକୋର୍ଟ ମନାକରିବା ସହିତ ଶୁଣାଣି‌ ଶେଷ କରିଛନ୍ତି । ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ.ମୁରଲୀଧର ଓ ଜଷ୍ଟିସ ଚିତ୍ତରଂଜନ ଦାଶଙ୍କୁ ନେଇ ଗଠିତ ଖଣ୍ଡପୀଠ ଟି.ଆର.ଦାସଙ୍କ ଆବେଦନର ଶୁଣାଣି କରି ଏପରି ନିର୍ଦ୍ଦେଶ ଦେଇଛନ୍ତି ।