ଶକ୍ତିଶାଳୀ ବିସ୍ଫୋରଣରେ ଥରି ଉଠିଲା ପାକିସ୍ତାନ

ଶକ୍ତିଶାଳୀ ବିସ୍ଫୋରଣରେ ଥରି ଉଠିଲା ପାକିସ୍ତାନ । ଏକ ରାଜନୈତିକ ରାଲି ବେଳେ ଏହି ବିସ୍ଫୋରଣ ଘଟିଛି । ଘଟଣାରେ ୪୦ ଜଣଙ୍କ ମୃତ୍ୟୁ ହୋଇଥିବାବେଳେ ୨୦୦ ଆହତ ହୋଇଛନ୍ତି । ଖାଇବର ପଖତନଖ୍ୱାବ ପ୍ରଦେଶର ବଜଉର ଖାରରେ ଏହି ବିସ୍ଫୋରଣ ଘଟିଛି । ଜମାତ ଉଲେମା-ଇ-ଇସଲାମ-ଫଜଲ, ଜେୟୁଆଇଏଫ କର୍ମୀମାନେ ଏକ ସମ୍ମିଳନୀରେ ଏକାଠି ହୋଇଥିଲେ । ଏହି ସମ୍ମିଳନୀରେ ଭୟଙ୍କର ଆତ୍ମଘାତୀ ବିସ୍ଫୋରଣ ଘଟିଥିଲା । ଫଳରେ ଘଟଣାସ୍ଥଳରେ ସବୁ ଛିନଛତ୍ର ହୋଇଯାଇଥିଲା । ଚାରିଆଡ଼େ ମୃତଦେହ ପଡ଼ିଥିବାର ଦେଖିବାକୁ ମିଳିଥିଲା । ଏହା ସହ ପ୍ରାୟ ୨୦୦ ଆହତ ହୋଇଛନ୍ତି । ବିସ୍ଫୋରଣ ସ୍ଥଳରେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା । ବହୁ ଆହତଙ୍କ ଅବସ୍ଥା ଗୁରୁତର ରହିଛି । ଫଳେରେ ମୃତ୍ୟୁ ସଂଖ୍ୟା ବଢ଼ିବାର ଆଶଙ୍କା ରହିଛି । ଏହା ଏକ ଆତ୍ମଘାତୀ ବିସ୍ଫୋରଣ ହୋଇଥିବା ବେଳେ ଏଥିପାଇଁ କୌଣସି ଆତଙ୍କୀ ଗୋଷ୍ଠୀ ନିଜକୁ ଦାୟୀ କରି ନାହାନ୍ତି ।