ରେକର୍ଡ ନିଶା

ଆଜିକାଲି ରେର୍କଡ ନିଶା ସମସ୍ତଙ୍କର ଘାରିଛି । ଲୋକଙ୍କୁ ବିଭିନ୍ନ ପ୍ରକାରର ରେକର୍ଡ କରୁଥିବାର ଦେଖିବାକୁ ମିଳୁଛି । ତେବେ ଏଭଳି କେତେକ ରେକର୍ଡ ରହୁଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟରେ ପକାଉଛି । ଏହି ରେକର୍ଡ ପଛରେ ରେକର୍ଡଧାରୀଙ୍କର ଅନେକ ପରିଶ୍ରମ ଓ ନିଷ୍ଠା ସାମିଲ ରହୁଛି । ସେହିଭଳି ଜଣେ କ୍ରୋଆଟିଆନ୍‌ ଫ୍ରିଡାଇଭର ପାଣି ଭିତରେ ଅଧିକ ସମୟ ଚାଲି ରେକର୍ଡ କରିଛନ୍ତି । ଭାଇଟୋମିର୍‌ ମାରିକିକ୍‌ ପାଣିଭିତରେ ୧୦୭ମିଟର ଚାଲି ଏହି ରେକର୍ଡ କରିଛନ୍ତି । ପୂର୍ବରୁ ଏହି ରେକର୍ଡ ବୋରିସ୍‌ ମିଲୋସ୍କିଙ୍କ ନାମରେ ଥିଲା ଯିଏ ୯୬ ମିଟର ଚାଲିଥିଲେ । ତେବେ ଏହି ପାଣି ଭିତରେ ଚାଲିବା ସେ ସେପେଫମ୍ବର ୨୦୨୧ରେ କରିବାକୁ ଚେଷ୍ଟା କରିଥିଲେ । ସ୍ଥାନୀୟ ଏକ ସୁଇମିଂ ପୁଲ୍‌ରେ ସେ ଏହି ଚେଷ୍ଟା କରିଥିଲେ । ସେ ଏହାକୁ ଏକ ଡାକ୍ତରଖାନା ପାଇଁ କରିଥିଲେ । ଏହି କାର୍ଯ୍ୟକ୍ରମ ଜରିଆରେ ସେ ହାର୍ଟ, ଫୁସ୍‌ଫୁସ୍‌ ଓ ରୁମାଟିକ୍‌ ରୋଗପାଇଁ ସଚେତନତା ସୃଷ୍ଟି କରିଥିଲେ । ସମ୍ପୃକ୍ତ ଡାକ୍ତରଖାନା ଫ୍ରିଡାଇଭିଂ ଉପରେ କରୁଥିବା ଗବେଷଣାକୁ ପ୍ରମୋଟ କରିବା ପାଇଁ ଏହାକୁ କରିଥିଲେ । ଏହି କାରଣରୁ ସେ ନିଜ ନାମକୁ ଗିନିଜ୍‌ ରେକର୍ଡରେ ସାମିଲ କରିଛନ୍ତି । ପାଣି ଭିତରେ ଭାଇଟୋମିର୍‌ ନିଜ ନିଶ୍ୱାସକୁ ୩ ମିନିଟ୍‌ ୬ ସେକେଣ୍ଡପାଇଁ ରୋକି ରଖିବାରେ ସଫଳ ହୋଇଥିଲେ । ସେହିଭଳି ସେ ଏହି ସମୟରେ ନିଜ କାନ୍ଧରେ କିଛି ଓଜନ ଦାର୍‌ ସାମଗ୍ରୀ ମଧ୍ୟ ରଖିଥିଲେ, ଯାହା ଫଳରେ ସେ ନଭାଷିବେ । ଭାଇଟୋମିର୍‌ ନିଜର ରେକର୍ଡ ୫୦ ମିଟରର ଏକ ସୁଇମିଂ ପୁଲରେ ସମାପ୍ତ କରିଛନ୍ତି । ତେବେ ଆଗକୁ ନିଜ ରେକର୍ଡ କାଟିବାକୁ ତାଙ୍କର ଲକ୍ଷ ଥିବା ସେ ପ୍ରକାଶ କରିଛନ୍ତି ।
ସେହିଭଳି ଆଉଜଣେ ରେକର୍ଡଧାରୀ ହେଲେ ପୁନେର ପ୍ରାଚୀ ଧବଲ । ସେ ନିଜର ବିରଳ କାର୍ଯ୍ୟ ପାଇଁ ଲଣ୍ଡନ୍‌ର ୱାଲïର୍ ବୁକ୍‌ ରେକର୍ଡରେ ସାମିଲ ହୋଇଛନ୍ତି । ସେ ୧୦୦ କେଜିର ଖାଇବା ଉପଯୋଗୀ ଭିଗାନ୍‌ ଆଇସିଂ ଷ୍ଟ୍ରକଚର ପ୍ରସ୍ତୁତ କରି ଏହି ରେକର୍ଡ କରିଛନ୍ତି । ନିଜ କେକ୍‌ରେ ସେ ମିଲନ୍‌ କ୍ୟାଥେଡ୍ରାଲ୍‌ର ପୂନନିର୍ମାଣ କରିଛନ୍ତି । କଳାକୃତିଟି ଦେଖିବାକୁ ବେଶ୍‌ ସୁନ୍ଦର ହୋଇଛି । ତେବେ ତାଙ୍କୁ ଏହି କେକ୍‌ଟି ନିର୍ମାଣ କରିବାକୁ ଅନେକ ପରିଶ୍ରମ ସହ ସମୟ ମଧ୍ୟ ଲାଗିଛି । ନିଜର ସଫଳତାରେ ସେ ବେଶ୍‌ ଖୁସି ଅଛନ୍ତି । ସେ ପ୍ରଥମେ ୧୫୦୦ଟି ଛୋଟଛୋଟ ପିସ୍‌ର ନିର୍ମାଣ କରିଥିଲେ ଏହା ପରେ ସେ ଏହାକୁ ସଜାଡିଥିଲେ । ଯାହା କରିବାକୁ ତାଙ୍କୁ ମାସମାସ ସମୟ ଲାଗିଥିଲା । କଳାକୃତିର ଲମ୍ବ ୬ଫୁଟ୍‌ ୪ଇଞ୍ଚ, ଉଚ୍ଚତା ୪ଫୁଟ ୬ଇଞ୍ଚ ଏବଂ ମୋଟେଇ ୩ଫୁଟ୍‌ ୧୦ ଇଞ୍ଚ ରହିଛି । ଏହାକୁ କରିବାରେ ତାଙ୍କୁ ଅନେକ ପରିଶ୍ରମ ପଡିଥିଲେ ମଧ୍ୟ ସେ ସର୍ବଦା ନିଜ କାମକୁ ଉପଭୋଗ କରନ୍ତି ବୋଲି ମତ ଦେଇଛନ୍ତି । ତାଙ୍କର ଏହି ସଫଳତା ତାଙ୍କୁ ଆଗକୁ ଆହୁରି ନୂଆ ନୂଆ କଳାକୃତ୍ତି ନିର୍ମାଣ କରିବା ପାଇଁ ପ୍ରେରଣା ଯୋଗାଇବ ବୋଲି ସେ ମତ ଦେଇଛନ୍ତି ।