ରାଜନୀତିରେ କଣ୍ଟ୍ରୋଭର୍ସି କ୍ବିନ୍, ନେତ୍ରୀ ହେବେ ଅଭିନେତ୍ରୀ କଙ୍ଗନା

ବଲିଉଡର କଣ୍ଟ୍ରୋଭର୍ସି କ୍ବିନ୍ ଏବେ ରାଜନୀତିରେ ପାଦ ଦେବାକୁ ଯାଉଛନ୍ତି ।  ନେତ୍ରୀ ହେବେ ବଲିଉଡ୍‌ ଅଭିନେତ୍ରୀ କଙ୍ଗନା ରାଣାୱତ୍‌। ୨୦୨୪ରେ ହିମାଚଳ ପ୍ରଦେଶର ମଣ୍ଡି ଆସନରୁ ଲୋକସଭା ଆସନ ପାଇଁ ସେ ପ୍ରତିଦ୍ୱନ୍ଦ୍ୱିତା କରିବେ। ଯଦି ଲୋକେ ଚାହାନ୍ତି ସେ ନିର୍ବାଚନ ଲଢ଼ିବାକୁ ରାଜି ଅଛନ୍ତି ବୋଲି କଙ୍ଗନା କହିଛନ୍ତି । ଏକ ଜାତୀୟ ଗଣମାଧ୍ୟମକୁ ସାକ୍ଷାତକାରଦେଇ ସେ ଏହା କହିଛନ୍ତି । କେବଳ ଏତିକି ନୁହେଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସେ ଏଥିରେ ଭୁରି ଭୁରି ପ୍ରସଂଶା କରିଛନ୍ତି । ଯାହାଫଳରେ ସମସ୍ତେ ଅନୁମାନ କରୁଛନ୍ତି ଯେ ବିଜେପି ତାଙ୍କୁ ଟିକେଟ୍ ଦେଇପାରେ ଆଗାମୀ ନିର୍ବାଚନ ପାଇଁ ।