ଭାରତୀୟ କାଶ ସିରପ୍ କୁ ଉଜବେକିସ୍ଥାନରେ ନା

ଉଜବେକିସ୍ଥାନରେ ଭାରତୀୟ କାଶ ସିରପ୍ କୁ ନା । ‘ମାରିଅନ୍‌ ବାୟୋଟେକ୍‌’ ଦ୍ବାରା ନିର୍ମିତ ୨ଟି କାଶ ସିରପ୍‌ ଉଜ୍‌ବେକିସ୍ତାନ୍‌ ପିଲାମାନଙ୍କୁ ନଦେବାକୁ ‘ହୁ’ ର ପରାମର୍ଶ । ଏ ଦୁଇଟି ଔଷଧ ହେଉଛି ‘ଆମ୍ବ୍ରୋନଲ୍‌’ ଓ ‘ଡିଓକେ-୧’ ସିରପ୍ । ଏ ଦୁଇଟି ଔଷଧର ନିର୍ମାତା ହେଉଛନ୍ତି ଉତ୍ତର ପ୍ରଦେଶରେ ଥିବା ‘ମାରିଅନ୍‌ ବାୟୋଟେକ୍‌ ପ୍ରାଇଭେଟ୍‌ ଲିମିଟେଡ୍‌’। ଏହି ଔଷଧର ନିରାପତ୍ତା ଓ ଗୁଣବତ୍ତା ନେଇ ଆଜି ପର୍ଯ୍ୟନ୍ତ ଉକ୍ତ କମ୍ପାନି ‘ବିଶ୍ବ ସ୍ବାସ୍ଥ୍ୟ ସଙ୍ଗଠନ’କୁ କ‌ୌଣସି ଗ୍ୟାରେଣ୍ଟି ଦେଇନି । ବୁଧବାର ଦିନ ଜାରି କରିଥିବା ‘ମେଡିକାଲ୍‌ ପ୍ରଡକ୍ଟ୍‌’ ସତର୍କ ସୂଚନାରେ ‘ବିଶ୍ବ ସ୍ବାସ୍ଥ୍ୟ ସଙ୍ଗଠନ’ କହିଛି ‘ମାରିଅନ୍‌ ବାୟୋଟେକ୍‌’ ଦ୍ବାରା ପ୍ରସ୍ତୁତ ଉକ୍ତ ଔଷଧଗୁଡ଼ିକ ନିମ୍ନ ଧରଣର ଉତ୍ପାଦ । ଗୁଣବତ୍ତା ବା ଗାଇଡ୍‌ଲାଇନ୍‌କୁ ଆଧାର କରି ପ୍ରସ୍ତୁତ କରାଯାଇ ନ ଥିବାରୁ ଏହି ଔଷଧକୁ ଗାଇଡ୍‌ଲାଇନ୍‌ ବାହାରର ଉତ୍ପାଦ ଭାବେ ବିବେଚନା କରାଯାଉଛି ।