ବେୟର୍ ଗ୍ରିଲ୍ସଙ୍କ ସହ ଜଙ୍ଗଲ ବୁଲିବେ ଜେଲେନସ୍କି

ଲୋକପ୍ରିୟ ସୋ ‘ମ୍ୟାନ୍ ଭରସେସ୍ ୱାଇଲ୍ଡ’ରେ ନଜର ଆସିବେ ୟୁକ୍ରେନ୍ ରାଷ୍ଟ୍ରପତି । ମ୍ୟାନ୍ ଭରସେସ୍ ୱାଇଲ୍ଡର ଉପସ୍ଥାପକ ବେୟର୍ ଗ୍ରିଲ୍ସଙ୍କ ସହ ଜଙ୍ଗଲ ବୁଲିବେ ଜେଲେନସ୍କି । ବେୟର୍ ଗ୍ରିଲ୍ସ ବୋଲଦିମିର୍ ଜେଲେନସ୍କିଙ୍କ ସହ ସାକ୍ଷାତ ପରେ ଘଟଣା ସାମ୍ନାକୁ ଆସିଛି । ଜେଲେନସ୍କିଙ୍କ ସହ ବେୟର୍ ଗ୍ରିଲ୍ସ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ପୋଷ୍ଟରେ ସେ ଲେଖିଛନ୍ତି, ଚଳିତ ସପ୍ତାହରେ ମୁଁ ୟୁକ୍ରେନ୍ ରାଜଧାନୀ କିଭ୍ ଯାତ୍ରା କରିଥିଲି । ଏହି ଯାତ୍ରା ସମୟରେ ରାଷ୍ଟ୍ରପତି ଜେଲେନସ୍କିଙ୍କ ସହ ସାକ୍ଷାତ କରିବାର ସୌଭାଗ୍ୟ ପାଇଥିଲି । ଯେତିକି ବି ସମୟ ଜେଲେନସ୍କିଙ୍କ ସହ ବିତାଇଲି ତାହା ମୋ ପାଇଁ ଏକ ସ୍ମରଣୀୟ ଅନୁଭବ ହୋଇ ରହିବ । ବେୟର୍ ଗ୍ରିଲ୍ସ ଆହୁରି ମଧ୍ୟ କହିଛନ୍ତିକି, ମ୍ୟାନ ଭରସେସ୍ ୱାଇଲ୍ଡ କାର୍ଯ୍ୟକ୍ରମ ମାଧ୍ୟମରେ ସାରା ବିଶ୍ୱ ଜେଲେନସ୍କିଙ୍କ ବିସୟରେ କିଛି ଏମିତି ଅକୁହା କଥା ଜାଣିବ, ଯାହା କେହି କେବେ ଜାଣିନଥିବେ ।