ବିମାନ ନିର୍ମାଣ କମ୍ପାନୀ ବୋଇଙ୍ଗ୍ ର ଆକଳନ

ଭାରତର ବିମାନ ଶିଳ୍ପକୁ ନେଇ ବିମାନ ନିର୍ମାଣକାରୀ କମ୍ପାନୀ ବୋଇଙ୍ଗ ଏକ ଆକଳନ କରିଛି | ନିକଟରେ ୪୭୦ଟି ବିମାନ କିଣିବା ପାଇଁ ଏୟାର ଇଣ୍ଡିଆ ବରାଦ ଦେଇଥିବାବେଳେ ଇଣ୍ଡିଗୋ ମଧ୍ୟ ନୂତନ ବିମାନ କ୍ରୟ ପାଇଁ ଅର୍ଡର ଦେବାକୁ ପ୍ରସ୍ତୁତ ହେଉଛି | ଏଭଳି ପରିସ୍ଥିତିରେ ଏହି ବିମାନଗୁଡ଼ିକ ପାଇଁ ବହୁ ସଂଖ୍ୟକ ପାଇଲଟ ଏବଂ ମେକାନିକ୍ ଆବଶ୍ୟକ ହେବ | ଆମେରିକାର ବିମାନ ନିର୍ମାତା ବୋଇଙ୍ଗ କହିଛି ଯେ ଆସନ୍ତା ୨୦ ବର୍ଷ ମଧ୍ୟରେ ଭାରତକୁ ୩୧୦୦୦ ପାଇଲଟ ଏବଂ ୨୬୦୦୦ ମେକାନିକ୍ସ ଆବଶ୍ୟକ ହେବେ। ବୋଇଙ୍ଗ ଇଣ୍ଡିଆର ସଭାପତି ସଲିଲ ଗୁପ୍ତା କହିଛନ୍ତି ଯେ ଆସନ୍ତା ୨୦ ବର୍ଷ ମଧ୍ୟରେ ଦକ୍ଷିଣ ଏସୀୟ ଅଞ୍ଚଳ ଦ୍ରୁତତମ ବୃଦ୍ଧି ପାଉଥିବା ବିମାନ ବଜାର ହେବାକୁ ଯାଉଛି। ଏଭଳି ପରିସ୍ଥିତିରେ ବିମାନ ଉଡ଼ାଣ ପାଇଁ ଭାରତକୁ ୩୧,୦୦୦ ପାଇଲଟ୍ ଏବଂ ବିମାନର ରକ୍ଷଣାବେକ୍ଷଣ ପାଇଁ ୨୬,୦୦୦ ମେକାନିକ୍ ଆବଶ୍ୟକ ହେବ। ସେ କହିଛନ୍ତି ଯେ ଭାରତର ବିମାନ ଚଳାଚଳ ଅଭିବୃଦ୍ଧିକୁ ଦୃଷ୍ଟିରେ ରଖି ଭିତ୍ତିଭୂମି ମଜବୁତ କରିବାକୁ ଅଧିକ ପ୍ରାଥମିକତା ଦେବାକୁ ପଡ଼ିବ। ଯେଉଁଥିରେ ବିମାନ ବନ୍ଦରର ବିକାଶ ସହିତ ପାଇଲଟ ଏବଂ ମେକାନିକ୍ସର ଆବଶ୍ୟକତା ଅନ୍ତର୍ଭୁକ୍ତ |