ବିପଦ ସଙ୍କେତ ଉପରେ ଯମୁନାର ଜଳସ୍ତର

ପୁଣି ବିପଦ ସଙ୍କେତ ଉପରେ ଦିଲ୍ଲୀର ଯମୁନା ନଦୀର ଜଳସ୍ତର ପ୍ରବାହିତ ହେଉଛି । ଯମୁନାର ଜଳସ୍ତର ୨୦୬.୪ ମିଟରରେ ପହଞ୍ଚିଛି । ଯଦି ଜଳସ୍ତର ୨୦୬.୭ ମିଟରରେ ପହଞ୍ଚିବ ତେବେ ଯମୁନା ନଦୀ କୂଳରେ ରହୁଥିବା ଲୋକେ ବନ୍ୟାରେ ବୁଡ଼ିବେ । ଦିଲ୍ଲୀର ଯମୁନା ବ୍ରିଜ୍ ବା ପୁରୁଣା ଲୁହା ପୋଲ ରାତି ୧୦ଟା ୧୫ରେ ବନ୍ଦ କରିଦିଆଯାଇଛି । ଟ୍ରେନର ଗତିପଥକୁ ନୂଆଦିଲ୍ଲୀରେ ପରିବର୍ତ୍ତନ କରାଯାଇଛି । ସେପଟେ ହିମାଚଳ ପ୍ରଦେଶ ଏବଂ ଉତ୍ତରପ୍ରଦେଶର କିଛି ଅଞ୍ଚଳରେ ବର୍ଷା ଜାରି ରହିଛି । ଏହି କାରଣରୁ, ହାଥିନିକୁଣ୍ଡ ବ୍ୟାରେଜରୁ ଜଳ ନିଷ୍କାସିତ ହେଉଥିବାରୁ ଯମୁନାର ଜଳସ୍ତରରେ ବୃଦ୍ଧି ଘଟିଛି । ଆସନ୍ତା ୨-୩ ଦିନ ଅର୍ଥାତ୍ ଜୁଲାଇ ୨୫ ପର୍ଯ୍ୟନ୍ତ ପ୍ରବଳ ବର୍ଷା ସମ୍ପର୍କରେ ପାଣିପାଗ ବିଭାଗ ସତର୍କ ସୂଚନା ଜାରି କରିଛି । ନୋଏଡାର ଅନେକ ଘର ଏବେ ଜଳମଗ୍ନ ହୋଇଥିବାବେଳେ ତଳିଆ ଅଞ୍ଚଳରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ଏହା ସହିତ ଜଳସ୍ତର ଉପରେ ନିରନ୍ତର ନଜର ରଖାଯାଉଛି ।