ପ୍ରସ୍ତୁତି ଉପରେ ପ୍ରଭାବ ପଡ଼ିବନି: ସେନାମୁଖ୍ୟ

ଯୋଶୀମଠରୁ ସୈନ୍ୟଙ୍କୁ ହଟାଗଲା । ଉତ୍ତରାଖଣ୍ଡର ଯୋଶୀମଠ ଦବୁଥିବା ଘଟଣାରେ ବହୁସଂଖ୍ୟାରେ ଯବାନଙ୍କୁ ସ୍ଥାନାନ୍ତରିତ କରାଯାଇଛି । ଯାହାକି ସେନାମୁଖ୍ୟ ଜେନେରାଲ ମନୋଜ ପାଣ୍ଡେ ଗୁରୁବାର କହିଛନ୍ତି । ତେବେ କେତେ ସୈନ୍ୟଙ୍କୁ ସ୍ଥାନାନ୍ତରିତ କରାଯାଇଛି ସେ ବିଷୟରେ ପାଣ୍ଡେ ବିଶେଷ ସୂଚନା ଦେଇ ନଥିବାବେଳେ କହିଛନ୍ତି ଯେ ଯୋଶୀମଠ ଆଖପାଖରେ ଥିବା ପ୍ରାୟ ୨୦ଟି ସାମରିକ କୋଠା ସାମାନ୍ୟ ବା ମଧ୍ୟମ ଧରଣର କ୍ଷତିଗ୍ରସ୍ତ ହୋଇଛି । ସେ ଆହୁରି ମଧ୍ୟ କହିଛନ୍ତି ସୁରକ୍ଷା ଦୃଷ୍ଟିରୁ ଦରକାର ହେଲେ ଅଧିକ ଯବାନଙ୍କୁ ସ୍ଥାନାନ୍ତର କରାଯିବ । କିନ୍ତୁ ଆମର ସମ୍ଭାବ୍ୟ ଶତ୍ରୁ ଆକ୍ରମଣ ପାଇଁ ପ୍ରସ୍ତୁତିରେ କିଛି ତ୍ରୁଟି ହେବ ନାହିଁ ।