ପୁଣି ସ୍କୁଲରେ ତାଲା ଝୁଲିବ କି ?

ପୁଣି ଉଗ୍ର ରୂପ ଧାରଣା କରିଛି କରୋନା ମହାମାରୀ । ଏପଟେ ଦୈନିକ ସଂକ୍ରମଣ ହାର ଦେଖି ଚିନ୍ତା ବଢିଥିବାବେଳେ ସେପଟେ ଅଭିଭାବକଙ୍କ ମୁଣ୍ଡରେ ଚଡ଼କ ପଡ଼ିଛି । ଏଭଳି ସ୍ଥିତିରେ ପିଲାମାନେ କେମିତି ସ୍କୁଲ ଯିବେ, କିଭଳି ସ୍କୁଲରେ ସୁରକ୍ଷିତ ପାଠପଢ଼ା ହେବ । ତେବେ ଯଦି ସଂକ୍ରମଣ ଏଭଳି ବଢ଼ିବ କ’ଣ ହେବ ପାଠପଢ଼ା । ପୁଣି ଅନ୍‌ଲାଇନ୍‌ ଶିକ୍ଷା ଆରମ୍ଭ ହେବ କି ନା ପୁଣି ସ୍କୁଲରେ ତାଲା ଝୁଲିବ । ଏଭଳି ଅନେକ ପ୍ରଶ୍ନ ଏବେ ଏବେ ଅଭିଭାବକ ଆଉ ଛାତ୍ରଛାତ୍ରୀଙ୍କୁ ଘାରିଲାଣି । ଅନ୍ୟପଟେ ଚିନ୍ତା ବଢାଇଦେଇଛି ଆଜିର ସଂକ୍ରମଣ ହାର । ମାତ୍ର ଗୋଟିଏଦିନରେ ହଜାର ପାର୍ ହୋଇଛି ଦୈନିକ ସଂକ୍ରମଣ । ଯାହାକି ଚିନ୍ତା ବଢାଇଦେଇ ଥିବାବେଳେ ଟିପିଆର୍ ୧୭ ପ୍ରତିଶତ ଛୁଇଁଲାଣି ।