ଦୀର୍ଘ ୨୩ ବର୍ଷ ପରେ ଖୋଲିବ ପଞ୍ଚଦୀପ ମାର୍କେଟ୍‌

ଭୁବନେଶ୍ବର ୟୁନିଟ୍‌-୪ସ୍ଥିତ ପଞ୍ଚଦୀପ ମାର୍କେଟ୍‌ ଖୋଲିବ । ତେବେ ଦୀର୍ଘ ୨୩ ବର୍ଷ ପରେ ଏହି ମାର୍କେଟ୍ ଖୋଲିବା ପାଇଁ ରାସ୍ତା ଫିଟିଛି । ଏଠାରେ ଥିବା ୯୧ଟି ଦୋକାନ ଘର ଓ ୧୮ଟି ଅଫିସ୍‌ ଘରକୁ ଇ-ନିଲାମ୍‌ କରିବା ପାଇଁ ବିଏମ୍‌ସି ଯୋଜନା କରିଛି । ଏଥିପାଇଁ ଅତିରିକ୍ତ କମିସନରଙ୍କ ଅଧୀନରେ ଏକ ଟିମ୍‌ ଗଠନ କରାଯାଇଛି । କମିଟିର ସୁପାରିସ ମୁତାବକ, ଦୋକାନ ଘର ପାଇଁ ମହଲାୱାରି ଭଡ଼ା ଧାର୍ଯ୍ୟ ହୋଇଛି । ଗ୍ରାଉଣ୍ଡ ଫ୍ଲୋର୍‌ରେ ବର୍ଗଫୁଟ୍‌ ପିଛା ସର୍ବାଧିକ ୫୫ ଟଙ୍କା ରହିଥିବା ବେଳେ ପ୍ରଥମ ମହଲାରେ ୫୦ ଟଙ୍କା ଓ ଅନ୍ୟ ତିନିଟି ମହଲାରେ ବର୍ଗଫୁଟ୍‌ ପିଛା ୪୫ ଟଙ୍କା ଧାର୍ଯ୍ୟ କରାଯାଇଛି । ତେବେ ନିଲାମଧାରୀଙ୍କୁ ୬ ମାସର ଭଡ଼ା ଅଗ୍ରୀମ ଦେବାକୁ ପଡ଼ିବ । ଏହାସହ ପ୍ରତିବର୍ଷ ଭଡ଼ା ୫ ପ୍ରତିଶତ ହିସାବରେ ବୃଦ୍ଧି ପାଇବାକୁ ଥିବାବେଳେ ପ୍ରତି ମାସ ୭ ତାରିଖରେ ଦୋକାନୀ ଭଡ଼ା ଦେବେ । ଯଦି ଏଥିରେ ବ୍ୟତିକ୍ରମ ହୁଏ ତେବେ ବାର୍ଷିକ ୧୨ ପ୍ରତିଶତ ହାରରେ ସୁଧ ଦେବେ ।