ଦିଲ୍ଲୀ ହାଇକୋର୍ଟଙ୍କ ଦ୍ବାରସ୍ଥ ହେଲେ ତେଜସ୍ବୀ

ଦିଲ୍ଲୀରେ ସିବିଆଇ ସମନକୁ ବିରୋଧ କଲେ ତେଜସ୍ବୀ ଯାଦବ । ମୁଁ ପାଟନାରେ ରହୁଛି, ଦିଲ୍ଲୀରେ ସିବିଆଇ ସମନ କାହିଁକି? ଏଭଳି କିଛି ପ୍ରଶ୍ନ କରି ସିବିଆଇ ସମନକୁ ବିରୋଧ କରିଛନ୍ତି ବିହାରର ଉପ-ମୁଖ୍ୟମନ୍ତ୍ରୀ ତେଜସ୍ୱୀ ଯାଦବ । ଜମି ବଦଳରେ ଚାକିରି ଦେବା ଦୁର୍ନୀତି ମାମଲାରେ ସିବିଆଇ କରିଥିବା ସମନକୁ ରଦ୍ଦ କରିବା ଦାବିରେ ସେ ଦିଲ୍ଲୀ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି । ନିଜ ଆବେଦନରେ ତେଜସ୍ୱୀ କହିଛନ୍ତି, ମୁଁ ଯେତେବେଳେ ପାଟନାରେ ରହୁଛି ତେବେ ସିବିଆଇ ଦିଲ୍ଲୀରେ କାହିଁକି ସମନ ଜାରି କରୁଛି । ଧାରା ୧୬୦ ଅନୁଯାୟୀ ସମନ କେବଳ ସ୍ଥାନୀୟ ଅଧିକାର କ୍ଷେତ୍ରରେ ଜାରି କରାଯାଇପାରିବ । ତାଙ୍କୁ ଦିଲ୍ଲୀରେ ହାଜର ହେବାକୁ ନୋଟିସ ଜାରି କରି ସିବିଆଇ ଏହି ଆଇନର ଉଲ୍ଲଙ୍ଘନ କରିଥିବା ସେ କହିଛନ୍ତି ।