ଦିନକ ପାଇଁ ବନ୍ଦ ଧବଳେଶ୍ବର ଝୁଲାପୋଲ

କଟକ ଜିଲ୍ଲା ପ୍ରଶାସନର ତତ୍ପରତା । ଗୁଜରାଟରେ ଝୁଲାପୋଲ ଭୁଶୁଡି ଶତାଧିକ ପ୍ରାଣ ଯିବା ପରେ ଆଗୁଆ ସତର୍କ ହୋଇଛି ପ୍ରଶାସନ । କଟକ ଧବଳେଶ୍ୱର ମନ୍ଦିର ପାଖରେ ଥିବା ଝୁଲାପୋଲକୁ ଗୋଟିଏ ଦିନ ପାଇଁ ପ୍ରଶାସନ ବନ୍ଦ କରିଦେଇଛି । ତେବେ ପୋଲର ସ୍ଥିତି ନେଇ ସମୀକ୍ଷା କରିବା ପରେ ଏହା ଖୋଲିବ ବୋଲି ସୂଚନା ରହିଛି । ପୋଲକୁ ଯାଞ୍ଚ କରାଯାଉଥିବା ଜିଲ୍ଲାପାଳ ସୂଚନା ଦେଇଛନ୍ତି । ତେବେ ପୋଲ ବନ୍ଦ ରହିବା ସମୟରେ ଶ୍ରଦ୍ଧାଳୁମାନେ ବୋଟ୍ କିମ୍ବା ଡଙ୍ଗାରେ ଯାଇ ପ୍ରଭୁ ଧବଳେଶ୍ୱରଙ୍କୁ ଦର୍ଶନ କରିପାରିବେ ।