ଡ୍ରୋନ ଆକ୍ରମଣରେ ୧୦୦ରୁ ଅଧିକ ମୃତ !

ସିରିଆର ହୋମସ ପ୍ରଜାତନ୍ତ୍ରରେ ବଡ଼ ଧରଣର ଡ୍ରୋନ ହମଲା । ଏକ ମିଲିଟାରୀ କଲେଜ ଉପରେ ଡ୍ରୋନ ହମଲା ପରେ ପ୍ରାଣ ହରାଇଛନ୍ତି ୧୦୦ରୁ ଅଧିକ ଲୋକ । ଆକ୍ରମଣରେ ୨୪୦ରୁ ଅଧିକ ଲୋକ ଆହତ ହୋଇଛନ୍ତି । ଏନେଇ ସୂଚନା ଦେଇଛନ୍ତି ସିରିଆର ସ୍ବାସ୍ଥ୍ୟ ମନ୍ତ୍ରୀ ହାସନ ଅଲ ଗାବାସ । ମୃତକଙ୍କ ମଧ୍ୟରେ ଅଛନ୍ତି ୬ ଜଣ ଶିଶୁ । ମୃତାହତଙ୍କ ସଂଖ୍ୟା ବହୁ ଅଧିକ ହେବ ବୋଲି ସୂଚନା ମିଳିଛି । ଏହି ଆକ୍ରମଣ ଲାଗି କୌଣସି ସଂଗଠନ ନିଜକୁ ଦାୟୀ କରିନାହାନ୍ତି । ଘଟଣାକୁ ତୀବ୍ର ନିନ୍ଦା କରିଛନ୍ତି ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସ । ଘଟଣାସ୍ଥଳରେ ଆୟୋଜିତ ଏକ ଗ୍ରାଜୁଏସନ ଉତ୍ସବରେ ସାମିଲ ହୋଇଥିଲେ ପ୍ରତିରକ୍ଷା ମନ୍ତ୍ରୀ । ମାତ୍ର ସେ ଘଟଣାସ୍ଥଳ ଛାଡିବାର କିଛି ସମୟ ପରେ ଏହି ଆକ୍ରମଣ ଘଟିଛି ।