ଆମେରିକାର ସୁରକ୍ଷାକୁ ନେଇ ଚିନ୍ତା

ଯେବେଠୁ ଆମେରିକା ପ୍ରତିରକ୍ଷା ମୁଖ୍ୟାଳୟ ପେଂଟାଗନର କିଛି ଜରୁରୀ ଦସ୍ତାବିଜ ପ୍ରଘଟ ହୋଇଛି ସେବେଠୁ ଦେଶର ସୁରକ୍ଷାକୁ ନେଇ ଉଠୁଛି ପ୍ରଶ୍ନ । କାରଣ ଏହି ସବୁ ଦସ୍ତାବିଜ ଲିକ ଯୋଗୁଁ କେବଳ ଆମେରିକାର ସୁରକ୍ଷା ସମ୍ବନ୍ଧିତ ତଥ୍ୟ ଲିକ ହୋଇନି ବଂର ଆଗକୁ ପେଂଟାଗନର କଣ ସବୁ ରଣନୀତି ରହିଛି?ବର୍ତମାନ କି ସବୁ ସିକ୍ରେଟ ମିଶନ ଚାଲିଛି ସେସବୁ ମଧ୍ୟ ପଦାରେ ପଡିଛି । ଏହା ଭିତରେ ରୁଷ-ୟୁକ୍ରେନ ଯୁଦ୍ଧକୁ ନେଇ ବଡ ଖୁଲାସା ହୋଇଛି । ୟୁକ୍ରେନରେ ବ୍ରିଟେନ ଓ ନାଟୋର ସ୍ୱତନ୍ତ୍ର ସେନା ମୁତୟନ ହୋଇଥିବା ଆମେରିକାର ଲିକ କ୍ଲାସିଫ୍ଲାଏଡ ଡକ୍ୟୁମେଂଟରୁ ଜଣାପଡିଛି । ଏହି ସେନା ମଧ୍ୟରେ ବ୍ରିଟେନର ସ୍ୱତନ୍ତ୍ର ଫୋର୍ସର ସବୁଠୁ ବଡ ୟୁନିଟ, ଆମେରିକା, ଫ୍ରାନ୍ସ ଓ ନେଦରଲ୍ୟାଣ୍ଡର ଗୋଟିଏ ଲେଖାଏଁ ୟୁନିଟ ଉପସ୍ଥିତ ଅଛନ୍ତି । ତେବେ ୟୁକ୍ରେନର କେଉଁ ସ୍ଥାନରେ ଏହି ଫୋର୍ସ ମୁତୟନ ଅଛନ୍ତି ସେକଥା ଦସ୍ତାବିଜର ଉଲ୍ଲେଖ କରାଯାଇନି ।