ଆଜି ୧୦୮ ଗରା ସୁବାସିତ ଜଳରେ ମହାସ୍ନାନ କରିହବେ କାଳିଆ ସାଆନ୍ତ

() ଆଜି ପବିତ୍ର ଦେବସ୍ନାନ ପୂର୍ଣ୍ଣିମା। ୧୦୮ ଗରା ସୁବାସିତ ଜଳରେ ସ୍ନାନ କରିବେ ମହାପ୍ରଭୁ। ଏଥିପାଇଁ ରତ୍ନ ସିଂହାସନ ଛାଡ଼ି ସ୍ନାନବେଦୀରେ ବିରାଜମାନ କରିଛନ୍ତି ଚତୁର୍ଦ୍ଧାମୂର୍ତ୍ତି। ନିର୍ଦ୍ଧାରିତ ସମୟରେ ଚାଲିଛି ସମସ୍ତ ନୀତିକାନ୍ତି। ଆଜି ଭୋର ସାଢ଼େ ୩ଟାରେ ମଙ୍ଗଳାର୍ପଣ ପରେ ୪ଟାରେ ଆରମ୍ଭ ହୋଇଥିଲା ପହଣ୍ଡି ବିଜେ। ସକାଳ ସାଢ଼େ ୬ଟା ସୁଦ୍ଧା ଚତୁର୍ଦ୍ଧାମୂର୍ତ୍ତି ସ୍ନାନ ମଣ୍ଡପରେ ବିରାଜମାନ କରିଛନ୍ତି। ସକାଳ ସାଢ଼େ ୯ଟାରୁ ସାଢ଼େ ୧୧ଟା ଭିତରେ ଜଳବିଜେ ହେବ। ମଧ୍ୟାହ୍ନ ୧୨ଟା ୧୫ରୁ ୧୨ଟା ୪୫ ଭିତରେ ଛେରାପହଁରା ହେବ। ୧୨ଟା ୪୫ରୁ ୨ଟା ୩୦ ମଧ୍ୟରେ ହାତୀବେଶ କରାଯିବ। ସନ୍ଧ୍ୟା ୬ଟାରୁ ରାତି ୯ଟା ୩୦ ପର୍ଯ୍ୟନ୍ତ ଚାଲିବ ସାହାଣ ମେଳା ଦର୍ଶନ। ଭକ୍ତମାନେ ବ୍ୟାରିକେଡ୍‌ରେ ଯାଇ ସ୍ନାନମଣ୍ଡପ ପାଖରେ ଶ୍ରୀଜୀଉଙ୍କ ହାତୀବେଶ ଦର୍ଶନ କରିପାରିବେ। ରାତି ୧୦ଟାରୁ ରାତି ଗୋଟାଏ ଭିତରେ ବାହୁଡ଼ା ପହଣ୍ଡି ପାଇଁ ସମୟ ନିର୍ଘଣ୍ଟ ହୋଇଛି।

ସ୍ନାନ ପୂର୍ଣ୍ଣିମା ପାଇଁ ଚଳଚଞ୍ଚଳ ହୋଇଛି ଶ୍ରୀମନ୍ଦିର ଓ ଶ୍ରୀକ୍ଷେତ୍ର। ଦୁଇବର୍ଷ ପରେ କୋଭିଡ୍ କଟକଣା କୋହଳ ହୋଇଥିବାରୁ ଶ୍ରୀଜିଉ ସ୍ନାନଯାତ୍ରା ଦେଖିବାକୁ ଭକ୍ତଙ୍କ ପ୍ରବଳ ଭିଡ଼ ହେବା ସମ୍ଭାବନା ରହିଛି। ଭିଡ଼କୁ ଦୃଷ୍ଟିରେ ରଖି ଶ୍ରୀକ୍ଷେତ୍ରରେ ୫୨ ପ୍ଲାଟୁନ୍ ପୁଲିସ୍ ଫୋର୍ସ ମୁତୟନ କରାଯାଇଛି। ପାଞ୍ଚସ୍ତରୀୟ ସୁରକ୍ଷା ବଳୟରେ ରହିଛି ପୁରୀ ସହର।

ପ୍ରଥା ଅନୁସାରେ ପ୍ରତିବର୍ଷ ସୁନା କୂଅରୁ ଶହେ ଆଠ ଗରା ସୁବାସିତ ଜଳ ଆସି ଶ୍ରୀଜୀଉଙ୍କୁ ମହା ସ୍ନାନ କରାଯାଥାଏ। ଏତେ ଗରା ଜଳରେ ଗାଧେଇଲା ପରେ ମହାପ୍ରଭୁ ଆସନ୍ତା କାଲିଠାରୁ ଜରରେ ପଡିବେ। ଏହି ଜରର ଉପଚାର ପାଇଁ ଅଣସର ଘରେ ସେବା ପୂଜା କରାଯାଇଥାଏ। ଜରରୁ ଆଶ୍ବସ୍ତି ପାଇଁ ବିଭିନ୍ନ ଚେରମୂଳୀରୁ ପ୍ରସ୍ତୁତ ଫୁଲୁରୀ ମାଲିସ କରାଯିବ। ଏହି ସେବାଟି କେବଳ ଦଇତା ସେବକ ମାନଙ୍କ ଦ୍ବାରା କରାଯିବାର ପରମ୍ପରା ରହିଛି। ତା ପରେ ଆସନ୍ତା ଚଉଦ ଦିନ ପରେ ଠାକୁରଙ୍କୁ ନୂତନ ଚକ୍ଷ୍ୟୁଦାନ କରି ଭକ୍ତଙ୍କୁ ଶ୍ରୀମୂଖ ଦର୍ଶନ ବା ନବଯୌବନ ଦର୍ଶନ ଦେବେ କାଳିଆ ସାଆନ୍ତ।https://thetopmost.in/%e0%ac%ac%e0%ac%bf%e0%ac%ad%e0%ac%bf%e0%ac%a8%e0%ad%8d%e0%ac%a8-%e0%ac%a6%e0%ad%87%e0%ac%b6%e0%ac%b0-%e0%ac%ac%e0%ac%bf%e0%ac%ad%e0%ac%bf%e0%ac%a8%e0%ad%8d%e0%ac%a8-%e0%ac%ac%e0%ac%bf%e0%ac%a7/

https://thetopmost.in/%e0%ac%93%e0%ac%b8%e0%ad%87%e0%ac%aa%e0%ac%be%e0%ac%b0-%e0%ac%a8%e0%ac%bf%e0%ad%9f%e0%ac%ae%e0%ac%be%e0%ac%ac%e0%ac%b3%e0%ad%80-%e0%ac%9c%e0%ac%be%e0%ac%b0%e0%ac%bf-%e0%ac%b9%e0%ad%87%e0%ac%ac/