ଆଇସିସି ପକ୍ଷରୁ ୫ଟି ଆସୋସିଏଟ୍‌ ଦଳକୁ ଦିନିକିଆ ମାନ୍ୟତା

ମହିଳା କ୍ରିକେଟକୁ ଅଧିକ ପ୍ରତିଦ୍ୱନ୍ଦିତାମୂଳକ କରିବା ପାଇଁ ବୁଧବାର ଆଇସିସି ପକ୍ଷରୁ ୫ଟି ଆସୋସିଏଟ୍‌ ଦଳକୁ ଦିନିକିଆ ମାନ୍ୟତା ପ୍ରଦାନ କରାଯାଇଛି । ନେଦରଲାଣ୍ଡ, ପପୁଆ ନ୍ୟୁଗିନି, ସ୍କଟଲାଣ୍ଡ, ଥାଇଲାଣ୍ଡ ଏବଂ ଆମେରିକା ଦଳକୁ ଦିନିକିଆ ମାନ୍ୟତା ମିଳିଛି । ଏହି ୫ଟି ଯାକ ଦଳ ଆଗାମୀ ୨୦୨୫ ବିଶ୍ୱକପ୍‌ ଯୋଗ୍ୟତା ଦୌଡ଼ରେ ସାମିଲ୍‌ ହେବେ । ଗତ କିଛି ବର୍ଷ ହେବ ଥାଇଲାଣ୍ଡ ଦଳ ପ୍ରଭାବୀ ଭଲ ପ୍ରଦର୍ଶନ କରି ଆସିଥିଲା । ଥାଇଲାଣ୍ଡ ୨୦୨୦ ଟି-ଟେ୍ୱଣ୍ଟି ବିଶ୍ୱକପ ଯୋଗ୍ୟତା ଅର୍ଜନ କରିଥିବାବେଳେ ଦିନିକିଆ ବିଶ୍ୱକପର ଯୋଗ୍ୟତା ପର୍ଯ୍ୟାୟରେ ଆକର୍ଷଣୀୟ ପ୍ରଦର୍ଶନ କରିଥିଲା । ଅନ୍ୟପଟରେ ଆଇସିସି ପକ୍ଷରୁ ମହିଳା ଚାମ୍ପିଅନସିପର ନୂଆ ସଂସ୍କରଣ(୨୦୨୨-୨୫) ପାଇଁ ଦୁଇଟି ନୂଆ ଦଳକୁ ସାମିଲ୍‌ କରାଯାଇଛି । ବାଂଲାଦେଶ ଓ ଆୟରଲାଣ୍ଡ ଦଳ ଏହି ସଂସ୍କରଣରେ ସାମିଲ୍‌ ହେବେ । ଏଥର ୧୦ଟି ଦଳକୁ ନେଇ ମହିଳା ଚାମ୍ପିଅନସିପ୍‌ ଅନୁଷ୍ଠିତ ହେବ । ପ୍ରତ୍ୟେକ ଦଳ ୮ଟି ତିନି ମ୍ୟାଚ୍‌ ବିଶିଷ୍ଟ ସିରିଜ ଖେଳିବେ । ସେଥିମଧ୍ୟରୁ ଶ୍ରେଷ୍ଠ ପ୍ରଦର୍ଶନକାରୀ ୫ଟି ଦଳ ସମେତ ଆୟୋଜକ ଦଳ ଆଗାମୀ ବିଶ୍ୱକପ ଯୋଗ୍ୟତା ଅର୍ଜନ କରିବେ ।

https://thetopmost.in/?p=1531

https://thetopmost.in/?p=2569

https://thetopmost.in/?p=878