ଅଣନିଶ୍ୱାସୀ ଦିଲ୍ଲୀବାସୀ

ପ୍ରଦୂଷଣ ପ୍ରଭାବରେ ଦିଲ୍ଲୀବାସୀ ସନ୍ତୁଳିତ । ଆସନ୍ତା ୧୩ରୁ ୨୦ ଯାଏ ବଳବତ୍ତର ରହିବ ଯୁଗ୍ମ-ଅଯୁଗ୍ମ ଫର୍ମୁଲା। ନିୟମ କାର୍ଯ୍ୟକାରୀ କରିବା ଲାଗି ଆଜି ବସିବ ବୈଠକ। ସେପଟେ ଗୁରୁଗ୍ରାମରେ ବି ସ୍କୁଲ ବନ୍ଦ କରାଯାଇଛି । ନିୟମ ଉଲ୍ଲଂଘନ ଅଭିଯୋଗରେ ୨୨ଶହ ଯାନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତେଣେ ପଞ୍ଜାବରେ ଦୈନିକ ୨ ହଜାରରୁ ଅଧିକ ସ୍ଥାନରେ ନିଆଁ ଲଗାଇବାକୁ ନେଇ ବଢିଛି ଚିନ୍ତା। ନିୟମ ଅନୁସାରେ ନମ୍ବର ପ୍ଲେଟର ଶେଷ ଅଙ୍କ ଥିବା ୧, ୩, ୫, ୭ ଗାଡିଗୁଡିକ ଅଯୁଗ୍ମ ତାରିଖରେ ଚାଲିବ। ନମ୍ବର ପ୍ଲେଟର ଶେଷ ଅଙ୍କ ଥିବା ୦, ୨, ୪, ୬, ୮ ଗାଡିଗୁଡିକ ଯୁଗ୍ମ ତାରିଖରେ ଚାଲିବ। କେବଳ ଦଶମ ଓ ଦ୍ବାଦଶ ଶ୍ରେଣୀ ବ୍ୟତୀତ ସମସ୍ତ ସ୍କୁଲ ନଭେମ୍ବର ୧୦ ଯାଏ ରହିବ ବନ୍ଦ। ବିଏସ ଥ୍ରୀ ପେଟ୍ରୋଲ ଓ ବିଏସ ଫୋର ଡିଜେଲ କାର ଉପରେ ନିଷିଦ୍ଧାଦେଶ ବଳବତ୍ତର ରହିବ । ସରକାରୀ ଓ ବେସରକାରୀ ସ୍ତରରେ ୫୦ ପ୍ରତିଶତ କର୍ମଚାରୀଙ୍କ ଲାଗି ଓ୍ବାର୍କ ଫ୍ରମ ନୀତି ଚାଲୁ ରହିବ । ନିର୍ମାଣ କାର୍ଯ୍ୟ ବନ୍ଦ ରଖାଯାଇଛି । ପ୍ରଦୂଷଣକୁ ଦୃଷ୍ଟିରେ ରଖି ଗ୍ରେଡେଡ ରେସପନସ୍ ଆକ୍ସନ ପ୍ଲାନ ବା ଗ୍ରାପର ପ୍ଲାନ ୪ ଲାଗୁ କରାଯାଇଛି । ଏକ୍ୟୁଆଇ ୪୫୦ ପାର୍ ହେବା ପରେ ଦିଲ୍ଲୀ ସରକାର ଏହି ଚୂଡ଼ାନ୍ତ ପଦକ୍ଷେପ ନେଇଛନ୍ତି ।